Forsætisráðherra Dana vill mikla skatta á eldsneyti

„Hátt eldsneytisverð á að hvetja fólk til þess að þróa nýja orkugjafa og gera það minna háð olíu," segir Anders Fogh Rasmussen, forsætisráðherra Danmerkur, í viðtali sem birtist í The New York Times í gær. Ráðherrann segir í samtali við blaðið að hann telji rangt að lækka opinberar álögur á eldsneyti. Miklu eðlilegra væri að hækka bensínskatta og lækka tekjuskatt. Þannig megi hvetja fólk til að vinna meira, spara orku og jafnframt reyna að þróa nýja orkugjafa fyrir framtíðina.