Dóttirin varð næstum undir bókaskáp (Kúlumynd)

Jóhann Karlsson íbúi í Hveragerði fékk símhringingu frá dóttur sinni laust fyrir klukkan fjögur í gærdag. Hann var þá staddur í Reykjavík, en dóttirin á heimili fjölskyldunnar að Kambahrauni 43 í Hveragerði.

Jarðskjálftinn sem skömmu áður hafði hrist upp í bæjarbúum, hafði gjörsamlega rústað heimili Jóhanns. Dóttirin var heppin að fá ekki bókaskáp yfir sig.

„Við eigum ekki heilan disk til þess að borða á," segir Jóhann í samtali við Vísi. Gangstéttin fyrir utan húsið færðist um heila sjö sentimetra og það brotnaði nánast allt sem gat brotnað.

SMELLTU HÉR til að horfa á svokallaða kúlumynd og hlusta á Jóhann lýsa ástandinu á heimilinu. Hægt er að hreyfa myndina upp og niður til þess að glöggva sig betur á ástandinu.

Það var Sigursteinn Baldursson sem heldur úti vefsíðunni,kulumyndir.com sem tók myndbandið og leyfir lesendum Vísis að upplifa eyðilegginguna að Kambahrauni 43.