Ætti Páll ekki að vera heiðursgestur hjá Þrótturum?

Þróttarar ættu kannski að bjóða Páli Ólafssyni að vera heiðursgestur á leik sínum á móti bikarmeisturum FH á Valbjarnarvellinum í kvöld. Þróttur hefur nefnilega ekki unnið heimaleik á móti FH í efstu deild síðan að Páll tryggði þeim 1-0 sigur fyrir rétt tæpum 23 árum síðan.

Páll Ólafsson skoraði markið strax á 3. mínútu leiksins þegar hann lék á tvo varnarmenn og skoraði lúmsku skoti fyrir utan teig sem rataði í markið. Þetta var fjórða mark Páls á tímabilinu en leikurinn var í 3. umferð alveg eins og sá í kvöld.

Þróttarar hafa tekið sex sinnum á móti FH-ingum í efstu deild en liðin mætast í kvöld á Valbjarnarvellinum í 3. umferð Landsbankadeildar karla. FH-ingar hafa aðeins einu sinni farið stigalausir frá Laugardalnum eftir þessa sex leiki við Þróttara en það var fyrir 23 árum eða í eina skiptið sem liðin hafa mæst á Valbjarnarvelli í efstu deild.

Hina fimm leikina hafa Þróttarar annaðhvort spilað á aðalleikvanginum í Laugardalnum eða á gamla Hallagrasinu sem er þar sem Gervigrasvöllurinn er núna. Síðustu tvo hafa FH-ingar unnið samtals 8-1 á aðalleikvanginum en nú er að sjá hvort Valbjarnarvöllurinn haldi áfram að reynast Þrótturum vel á móti FH eða hvort að þeir hafi bara haft heppnina með sér fyrir 23 árum síðan.

Heimaleikir Þróttar gegn FH í efstu deild:



4. júní 1976 Laugardalsvöllur

Þróttur-FH 0-2

0-1 Magnús Teitsson (9.), 0-2 Jóhann Ríkharðsson (86.)

18. júní 1978 Hallagrasið í Laugardal

Þróttur-FH 2-2

1-0 Páll Ólafsson (36.), 1-1 Leifur Helgason (42.), 2-1 Baldur Hannesson (43.), 2-2 Janus Guðlaugsson, víti (64.)

12. september 1980 Hallagrasið í Laugardal

Þróttur-FH 2-3

1-0 Halldór Arason (31.), 1-1 Magnús Teitsson (43.), 1-2 Guðmundur Hilmarsson (65.), 1-3 Ásgeir Elíasson (85.), 2-3 Arnar Friðriksson (88.).

23. maí 1985 Valbjarnarvöllur

Þróttur-FH 1-0

1-0 Páll Ólafsson (3.)

14. september 2003 Laugardalsvöllur

Þróttur-FH 0-3

0-1 Hermann Albertsson (41.), 0-2 Jónas Grani Garðarsson (63.), 0-3 Allan Borgvardt (88.)

15. ágúst 2005 Laugardalsvöllur

Þróttur-FH 1-5

0-1 Auðun Helgason (16.), 0-2 Davíð Þór Viðarsson (20.), 1-2 Páll Einarsson, víti (28.), 1-3 Tryggvi Guðmundsson, víti (40.), 1-4 Tryggvi Guðmundsson (74.), 1-5 Allan Borgvardt (89.)

Samantekt:

Leikir 6

Sigurleikir Þróttar 1

Jafntefli 1

Sigurleikir FH 4

Mörk Þróttar 6

Mörk FH 15