Selfyssingar unnu Víkinga

Heil umferð var leikin í 1. deildinni í kvöld en þá hófst seinni helmingur mótsins. Selfyssingar unnu Víking Reykjavík á heimavelli sínum og söxuðu á forystu Eyjamanna sem gerðu jafntefli við Leikni.

Bjarni Rúnar Einarsson kom ÍBV yfir á Leiknisvellinum í fyrri hálfleik en Jakob Spangsberg jafnaði metin úr vítaspyrnu í uppbótartíma. ÍBV er með 31 stig í efsta sæti en Selfoss er sex stigum á eftir.

Selfoss vann Víking 1-0 með marki Boban Jovic. Stjarnan er í þriðja sæti með 23 stig en liðið vann 4-2 sigur á botnliði Njarðvíkinga. Fjarðabyggð og KA gerðu 2-2 jafntefli og þá varð markalaust jafntefli í viðureign KS/Leifturs og Þórs.