1500 fréttamenn væntanlegir til þess að skoða nýjan Golf

Margir vegfarendur á Suðurlandsvegi ráku upp stór augu í morgun þegar þeir sáu mikla blílalest stefna til Reykjavíkur. Í bílalestinni voru bílaflutningavörubílar hlaðnir af Volkswagen ökutækjum.

Vísir tók upp símann og grennslaðist fyrir um málið. Þá kom í ljós að þetta er þáttur í undirbúningnum að stærstu bílasýningu sem haldin hefur verið hér á landi en hún fer fram í september næstkomandi. Þá verðu sjötta kynslóð hinna Volkswagen Golf heimsfrumsýndur á Íslandi.

Að því tilefni mun Volkswagen standa fyrir miklu Kynningarátaki sem standa mun yfir hér á Íslandi í þrjár vikur. 1500 blaða- og fréttamenn eru væntanlegir til landsins vegna þessa.

Allir helstu stjórnendur Volkswagen verða viðstaddir heimsfrumsýninguna og verða alls um 200 bílar fluttir til landsins vegna kynningarinnar. Ríflega 100 þeirra verða af sjöttu kynslóð VW Golf og einnig verða fluttir inn í tengslum við viðburðin um 40 VW Pheaton lúxusbílar, VW Touareg jeppar og VW Passat R36 ásamt fleiri gerðum Volkswagen.

Blaðamennirnir sem hingað koma verða í 80 manna hópum og staldrar hver hópur hér við í tvo daga. Komið verður upp fræðslu- og sýningaraðstöðu í Bljáfjöllum og þaðan verður farið í reynsluakstur á nýju bílunum um næsta nágrenni, að Gullfossi og Geysi, Kerinu, Nesjavöllum og Bláa lóninu.

„Við hlökkum mikið til að taka þátt í þessu ævintýri og höfum undanfarna mánuði unnið að þessu verkefni ásamt fjölmörgum innlendum aðilum." segir Sverrir Viðar Hauksson, framkvæmdastjóri bílasviðs Heklu.