Indriði skoraði fyrir Lyn

Þrír leikir fóru fram í norsku úrvalsdeildinni í knattspyrnu í dag. Indriði Sigurðsson skoraði fyrsta mark Lyn þegar liðið lagði Stomsgodset 3-2 á heimavelli.

Indriði var í byrjunarliði Lyn í dag líkt og Theodór Elmar Bjarnason. Birkir Bjarnason kom inn sem varamaður hjá Bodo/Glimt sem tapaði 3-0 fyrir Lilleström á útivelli. Þá vann Tromso 2-1 sigur á HamKam.

Fyrsta umferðin í dönsku úrvalsdeildinni fór fram í dag. Stefán Gíslason og félagar í Bröndby unnu 2-0 sigur á Nordsjælland á útivelli, AaB tapaði 2-1 heima fyrir Midtjylland og Horsens vann 2-0 heimasigur á SonderjyskE, þar sem Sölvi Geir Ottesen spilaði sinn fyrsta leik fyrir gestina.