Þorsteinn neitar öllu við yfirheyrslur

Samkvæmt heimildum Vísis neitar Þorsteinn Kragh öllum ásökunum við yfirheyrslu hjá lögreglu. Hann hefur setið í gæsluvarðhaldi síðan í síðustu viku eftir að hafa verið handtekinn í tengslum við innflutning á um 190 kílóum af hassi, sem Hollendingur var tekinn með á Seyðisfirði í byrjun júní.

Umboðsmaðurinn og tónleikahaldarinn Þorsteinn neitar öllu í yfirheyrslunum en hann var handtekinn á miðvikudag í síðustu viku.

Auk 190 kílóa af hassi fundust eitt og hálft kíló af maríjúana og eitt kíló af kókaíni í húsbíl Hollendingsins sem var að koma til landsins með norrænu.