Laugardalsvöllur verður klár

Laugardalsvöllurinn var ekki í leikhæfu ástandi í morgun en vonir standa til um að sólin sjái um að þýða hann upp áður en flautað verður til leiks í bikarúrslitunum klukkan 14 í dag.

Eins og við greindum frá í gær voru tugir sjálfboðaliða við snjómokstur á þjóðarleikvangnum sjá mátti kappa á borð við Tryggva Guðmundsson hjá Íslandsmeisturum FH taka til hendinni.

Leikur FH og Fjölnis hefst klukkan 14 eins og áður sagði og verður fylgst náið með gangi mála á Boltavaktinni hér á Vísi.