Einn á gjörgæslu í kjölfar gassprengingar - Vitni sá ungmenni með gaskút

27. október 2008 22:36

Samkvæmt lögreglunni á höfuðborgarsvæðinu er eitt ungmenni á gjörgæsludeild í kjölfar gassprengingar sem varð í skúr í Grundargerði í Bústaðahverfi á níunda tímanum í kvöld. Þá eru fimm önnur ungmenni á brunadeild en öll brenndust þau illa í slysinu.

Allt tiltækt lið slökkviliðisins á höfuðborgarsvæðinu var kallað til en í upphafi var óljóst hversu margir voru í skúrnum og nágrenni hans þegar hann sprakk. 70 til 80 björgunarsveitamenn aðstoða nú lögreglu við að leita af sér grun um að fleiri unglingar séu slasaðir eftir sprenginguna.

Vitni gaf sig fram við lögreglu og tilkynnti um kvöldmatarleytið um hóp 12 til 14 ungmenna sem voru með gaskút í fórum sínum í grennd við slysstaðinn. Margt bendir til þess að um sömu einstaklinga hafi verið að ræða og voru og við skúrinn.

Bústaðakirkja hefur verið opnuð fyrir þá sem voru á slysstað í kvöld og aðstandendur þeirra.

Tengdar fréttir

Sex ungmenni flutt á slysadeild með brunasár

Sex ungmenni voru fyrir stundu flutt á slysadeild með brunasár eftir að eldur kviknaði að öllum líkindum út frá gasi í litlum skúr í Grundagerði í Reykjavík í kvöld.

27. október 2008 20:35

Heyrði hrikaleg hljóð og sá blóðuga unglinga

Áslaug Þóra Harðardóttir, íbúi í Grundargerði, þar sem eldur kveiknaði út frá gasi í skúr í kvöld sagði í seinnifréttum Ríkissjónvarpsins að hún hafi heyrt mikla sprengingu og talið að um jarðskjálfta hafi verið að ræða. Fljótlega hafi hún áttað sig á því að svo væri ekki því hún heyrði mikil hróp og hrikaleg hljóð. Í framhaldinu hafi blóðug ungmenni flúið frá slysstaðnum. Sjálf hafi hún aðstoðað brennda stúlku.

27. október 2008 22:07

Bústaðakirkja opnuð í kjölfar gassprengingar

Slökkvilið höfuðborgarsvæðisins beinir þeim tilmælum til þeirra sem voru á slysstað í Grundargerði þegar eldur kveiknaði út frá gasi í skúr í kvöld gefi sig fram og mæti í Bústaðakirkju. Samkvæmt lögreglunnni á höfuðborgarsvæðinu verður upplýsingum safnað saman og sálræn aðstoð veitt. Óljóst er hvort fleiri hafi verið í skúrnum þegar hann sprakk.

27. október 2008 21:39

Mest lesið

Fleiri fréttir