Formaður Samiðnar segir tilboð ekki hafa verið metin rétt

Finnbjörn A. Hermannsson, formaður Samiðnar, krefst þess að Reykjavíkurborg rökstyðji hvers vegna hún tók tilboði litháíska verktakafyrirtækisins Adakris í byggingu Sæmundarskóla í Grafarholti. Þetta kom fram í tíufréttum Sjónvarpsins.

Finnbjörn segir að tilboð sem bárust í bygginguna hafi ekki verið metin á fullnægjandi hátt. Vissulega hafi tilboð Adakris verið það lægsta en Finnbjörn telur að ýmsir kostnaðarliðir í tilboði fyrirtækisins metist skakkt þar sem aðstæður á markaði í Litháen séu mjög ólíkar því sem þekkist hérlendis, meðal annars með tilliti til markaðslauna.