Benfica í viðræðum við Queiroz?

Fjölmiðlar í Portúgal halda því fram í dag að forráðamenn Benfica séu í viðræðum við Carlos Queiroz aðstoðarstjóra Manchester United um að taka við stjórastöðunni hjá portúgalska félaginu.

Eitt portúgölsku blaðanna gengur svo langt að fullyrða að þegar sé búið að ganga frá samningum, en annað segir að formlegar umræður hafi þegar farið fram milli Benfica og United.

Spánverjinn Jose Antonio Camacho var síðast við stjórnvölinn hjá þessu sögufræga knattspyrnuliði en hann hætti störfum þann 9. mars.

Queiroz hefur verið aðstoðarmaður Sir Alex Ferguson hjá Manchester United síðan árið 2004, þegar hann sneri aftur til United eftir að hafa tekið við Real Madrid um skamma hríð.