Fundu fimm ára stúlku látna

Svissneska lögreglan greindi frá því í dag að hún búið væri að finna líkið af fimm ára gamalli stúlku sem leitað hafði verið að í sex vikur. Ylenia Lenhard hvarf þann 31. júlí síðastliðinn í bænum Appenzell.

Maður sem grunaður var um að hafa numið hana á brott, Urs Hans Von Aesch, fannst látinn einum degi síðar í nágrenni við Appenzell og telur lögregla að hann hafi svipt sig lífi eftir að hafa skotið á annan mann.

Talið var að málið tengdist eldra máli, frá níunda áratug síðustu aldar í Sviss, þar sem nokkur börn voru drepin. Þá voru svissnesk yfirvöld einnig í sambandi við lögreglu sem rannsakar hvarfið á bresku stúlkunni Madeleine McCann þar sem þau töldu hugsanleg tengsl á milli þeirra.