Nokia og Microsoft í sæng saman

Valur Hrafn Einarsson skrifar 24. ágúst 2007 14:40

Hægt verður að nota Messenger í Nokia símanum sínum.

Finnski farsímaframleiðandinn Nokia tilkynnti í vikunni um nýjan samning við Microsoft. Samningurinn er um innleiðingu á hugbúnaði frá Microsoft í símtæki Nokia.

Frá því í gær gátu eigendur ákveðinna Nokia síma í ellefu löndum náð sér í Windows Live hugbúnað. Pakkinn inniheldur aðgang að Windows Live Hotmail, Messenger, LIve Contacts og Live Spaces.

Til að byrja með verður þjónustan aðeins í boði fyrir eigendur Nokia síma í þessum ellefu löndum. Ísland er ekki þar á meðal. En samkvæmt heimasíðu Nokia mun nýjum löndum verða bætt við þegar fram dregur. Þjónustan mun fyrst um sinn vera ókeypis, en á sumum mörkuðum mun í framtíðinni vera tekið mánaðarlegt gjald fyrir hana.

Hægt er að sjá símtækin og löndin sem þjónustan er virk á heimasíðu Nokia.

Tækni

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.