Sameiginleg sjálfsmorðstilraun

Tvær franskar unglingsstúlkur liggja alvarlega slasaðar á sjúkrahúsi á Korsíku eftir að hafa stokkið út um glugga á heimilum sínum. Stúlkurnar heita Florence og Christina og eru 14 og 15 ára að aldri. Þær stukku nær samtímis út um gluggana, önnur á annari hæð en hin á þriðju.

Vitni segir að stúlkurnar hafi talað saman í síma rétt áður en þær stukku. Önnur heyrðist segja; "Komdu, við skulum gera það. Þú stekkur. Ég stekk." Önnur stúlknanna mun hafa verið til meðferðar hjá geðlækni.