Flís og Steintryggur í Kartöflugeymslunni

Á meðal þess sem í boði er á Vetrarhátíð í Reykjavík í dag eru tónleikar í gömlu kartöflugeymslunni í Ártúnsbrekku.

Þar munu troða upp Flís Tríó ásamt Steintryggi. Kartöflugeymslunar hafa gengið í endurnýjun lífdaga og er húsnæðið orðið allt hið glæsilegasta. Tríóið Flís er skipað þeim Davíð Þór Jónssyni, Helga Svavari Helgasyini og Valdimar Kolbeini Sigurjónssyni og vöktu þeir mikla athygli á síðasta ári með samstarfsverkefni sínu og Bogomils Font er þeir gáfu út plötuna Bananalýðveldið. Það eru svo trommusnillingarnir Sigtryggur Baldursson og Steingrímur Guðmundsson sem skipa Steintrygg. Tónleikarnir hefjast klukkan átta.