Húsið komið á áfangastað

Húsið sem flutt var frá Hverfisgötu 44 er loks komið á áfangastað á Bergstaðastræti. Verið er að vinna við að hífa það af palli flutningabílsins og setja það á sinn stað. Nærliggjandi götur verða lokaðar á meðan, að sögn lögreglunnar.

Erfiðlega gekk að flytja húsið. Fyrst var löng töf neðarlega við Klapparstíg fyrir utan skemmtistaðinn Sirkus, en þegar þeir komust svo loks yfir Laugaveginn, festist húsið aftur ofar á Klapparstígnum.

Upphaflega átti aðeins að taka um tvo tíma að flytja húsið en vegna margvíslegra erfiðleika dróst það fram á morgun. Húsið verður staðsett á horni Bergstaðastræti og Spítalastígs.