100% viss um að Maddie sé á lífi

Einkaspæjarar sem foreldrar Maddie McCann hafa ráðið til að leysa ráðgátunum um hvarf hennar eru handvissir um að hún sé á líf og að ekki líði á löngu þar til þeir hafi upp á henni.

Einkaspæjararnir eru frá Metodo 3 fyrirtækinu en það sérhæfir sig í að hafa uppi á týndum börnum. Hingað til hefur spæjurum fyrirtækisins aldrei mistekist að finna barn sem þeim hefur verið falið að finna.

Eigandi Metodo 3, Francisco Marco segir að Gerry og Katie, foreldrar Maddie þurfi ekki að óttast. "Við erum 100% öryggir um að Maddie sé á lífi. Við erum handvissir um að henni hafi verið rænt og við erum mjög nálægt því að finna þá sem bera ábyrgð á því.

Marco og spæjararnir hans vinna eftir þeirri kenningu að þrír einstaklingar hafi hjálpast að við að ræna Maddie. Þessi kenning styrktist eftir að nýtt vitni gaf sig nýlega fram og sagðist hafa séð Maddie í sendiferðabíl tveim dögum eftir að henni var rænt.