Girntist stjúpu sína

Sean Steward, sonur rokkarans Rod Steward, þótti gaman að alast upp með föður sínum og stjúpmóður, fyrirsætunni Rachel Hunter. Í viðtali við útvarpsmanninn víðfræga, Howard Stern, sagði Sean að hann hefði oft horft á stjúpu sína þegar hún lá nakin í sólbaði við sundlaugabakkann á heimili þeirra. Hann hafi þá verið 15 eða 16 ára gamall en Rachel er 12 árum eldri en stjúpsonur sinn.

Spurði Howard drenginn, sem nú er 25 ára gamall, hvort hann hefði aldrei reynt við stjúpmóður sína. Kvaðst hann ekki hafa þorað því þar sem hann teldi sig ekki geta afborið neitunina. Spurði útvarpsmaðurinn Sean þá hvort hann héldi að stjúpa hans hefði tekið vel í viðreynslu af hans hálfu. Svarði Sean því á þann veg að hann byggi í Hollywood. Það væri aldrei að vita hvað gæti gerst.