Við vildum vinna þennan leik

Viggó Sigurðsson var nokkuð vonsvikinn eftir tapið gegn Ungverjum í lokaleik liðsins í C-riðli í dag og sagðist hafa vonast eftir að klára riðilinn með stæl, þó úrslit leiksins í dag skipti engu máli upp á framhaldið.

"Við vorum búnir að ræða það á fundi fyrir leikinn að reyna að fara frá þessum riðli með stæl og því er niðurstaðan nokkur vonbrigði. Það er erfitt að ná að mótívera liðið þegar mannsskapurinn er kominn dálítið með hugann í milliriðilinn, en þessi leikur mun ekki sitja í okkur og við mætum ákveðnir til leiks með Ólaf Stefánsson á þriðjudaginn," sagði Viggó Sigurðsson eftir leikinn í dag.