Ísraelsher skýtur á Palestínumenn

Ísraelskir hermenn skutu á og særðu tvo Palestínumenn sem nálguðust landamæri Ísraels við Gaza svæðið. Palestínskir sjúkraflutningamenn sögðu að mennirnir hefðu verið óvopnaðir en þetta er fyrsta árásin sem ísraelski herinn gerir á svæðinu síðan sæst var á vopnahlé þann 26. nóvember síðastliðinn.

Skotárásirnar áttu sér stað á mismunandi stöðum en annar maðurinn var að klífa stöng nálægt varðgirðingu Ísraelshers og hinn virtist vera að setja sprengju á jörðina. Fólk sem býr á þessu svæði segir hugsanlegt að mennirnir tveir hafi verið að leita að brotajárni.