Laun hækka um 2,9 prósent um áramót

Allir almennir kjarasamningar ríkisins við félög opinberra starfsmanna, félög innan ASÍ og fleiri hækka um 2,9 prósent um áramótin í stað 2,25 prósenta samkvæmt kjarasamningum. Er þetta í samræmi við samkomulag forsendunefndar Samtaka atvinnulífsins og Alþýðusambands Íslands sem gert var í fyrra á grundvelli verðlagsþróunar.

Fram kemur á vef fjármálaráðuneytinsins að kjarasamningar ríkisstarfsmanna séu tengdir þessari ákvörðun og samkomulög voru gerð við bandalög og einstök félög í kjölfar ákvörðunarinnar um sömu hækkanir.