SÞ að sjá um kosningar í Nepal

Öryggisráð Sameinuðu þjóðanna brást fljótt við hjálparbeiðni frá stjórnvöldum og uppreisnarmönnum í Nepal um að samtökin myndu taka að sér að sjá um væntanlegar kosningar þar í landi sem og umsjón með herjum og vopnum beggja aðila.

Kommúnískir uppreisnarmenn og stjórnvöld í Nepal skrifuðu í síðustu viku undir friðarsamkomulag en þar hefur ríkt stríðsástand undanfarna áratugi og hafa meira en 13.000 manns látist í átökunum og eru því miklar vonir bundnar við friðarferlið. Sameinuðu þjóðirnar hafa einnig tekið að sér að sjá um fjársöfnun fyrir Nepal svo hægt sé að halda fyrirhugaðar kosningar.