Heiftarlegar deilur um samkynhneigða í Færeyjum

Þingmaður á lögþingi Færeyja lagði samkynhneigða að jöfnu við barnaníðinga, brennuvarga og stelsjúka, í viðtali við danskt blað, á dögunum.

Dönum brá við þessi orð, en Færeyingar virðast skiptast í tvo nokkuð jafna hópa í afstöðu til samkynhneigðra, og deilur milli þessara hópa fara mjög harðnandi. Í Færeyjum er það ekki lögbrot að hæða og áreita samkynhneigða. Frumvarp þar um var fellt með miklum meirihluta fyrir tveim árum.

Frumvarpið verður væntanlega aftur tekið fyrir á lögþinginu í desember og er óvíst um örlög þess. Tólf þingmenn hafa sagst munu greiða atvkæði gegn því, fjórtán ætla að styðja það og sex hafa enn ekki tekið afstöðu.