Innlent

Fólk beðið að tryggja lausahluti

Fólk er beðið um að huga að lausahlutum fyrir óveðrið sem á að ganga yfir í fyrramálið.
Fólk er beðið um að huga að lausahlutum fyrir óveðrið sem á að ganga yfir í fyrramálið. MYND/Vilhelm

Björgunarsveitin Ársæll, sem starfar á Seltjarnarnesi og í Reykjavík, vill koma því á framfæri við fólk að binda niður garðhúsgögn, trampólín og allt annað lauslegt sem gæti tekist á loft í veðrinu sem á að ganga yfir í fyrramálið.

Verktakar eru einnig hvattir til þess að huga að svæðum sínum, festa stillasa og annað sem gæti hugsanlega fokið.

Björgunarsveitin er viðbúin og hægt er að ná í hana í gegnum neyðarlínuna ef fólk þarf á henni að halda.

Lögreglan í Reykjavík benti einnig á að fólk þarf að borga skemmdir sem hljótast af eigum þeirra og er fólk þess vegna hvatt til þess að tryggja alla lausahluti í görðum sínum.

Fréttir Innlent Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið