Áttundi heimasigurinn í röð gegn Chicago

Shawn Marion (26 stig) og Steve Nash (21 stig) áttu enn einn stórleikinn fyrir Phoenix Suns sem unnu 118-101 sigur á Chicago Bulls í NBA körfuboltanum í nótt. Hjá Chicago náði Ben Gordon að bæta persónulegt met sitt með því að skora 39 stig. Þetta var áttundi heimasigur Suns í röð gegn Chicago sem hefur ekki unnið leik í Phoenix síðan 20. nóvember 1996 eða þegar Michael Jordan lék með liðinu.

Kobe Bryant skoraði "ekki nema" 35 stig fyrir Los Angeles Lakers sem tapaði fyrir New Orleans Hornets, 106-90. Bryant þurfti að hafa meira fyrir skorinu sínu að þessu sinni þar sem hann hafði ekki fullkomna aðstoð vegna fjarveru Lamar Odom og Chris Mihm sem eru meiddir. Hjá New Orleans var Desmond Mason stigahæstur með 21 stig og hinn tvítugi Chris Paul gerði 19.

Í Bradley Center í Milwaukee mættust heimamenn og Memphis Grizzlies. Milwaukee vann fyrsta leikhluta 33-21.  Annar fjórðungurinn var hörmulegur, liðið skoraði aðeins 8 stig en það hefur aðeins einu sinni gerst áður í sögu félagsins að Milwaukee hefur skorað jafn fá stig, það var fyrir þremur árum gegn Los Angeles Lakers.

Michael Redd var með Milwaukee á ný eftir meiðsli og hann var stigahæstur, skoraði 23 stig.  Pau Gasol var stigahæstur hjá Memphis, skoraði 19 stig.  Milwaukee sigraði með 10 stiga mun 88-78.

Úrslit næturinnar í NBA urðu eftirfarandi enn 11 leikir fóru fram;

New Jersey - Miami  105-92

Washington - Atlanta   98-85

Orlando - Boston   100-91

Golden State - Minnesota 109-77

Denver - Portland   105-104

Phoenix - Chicago   118-101

Dallas - Seattle   110-91

Milwaukee - Memphis   88-78

New Orleans - LA Lakers  106-90

Indiana - Detroit    93-85

Cleveland - Philadelfia   95-100