Charlotte lagði Lakers

8 leikir voru í NBA körfuboltanum í gærkvöldi.  Kobe Bryant og félagar í LA Lakers töpuðu óvænt fyrir Charlotte Bobcats. Kobe Bryant fékk næstflest atkvæði í valinu í stjörnuleikinn á eftir Kínverjanum Yao Ming.  Hann fór fyrir Lakers-liðinu sem hafði unnið allar þrjár viðureignir þessara liða.  Síðast þegar þau mættust 4. desember vann Lakers 99-98 og þá skoraði Kobe Bryant 2 síðustu stigin af vítalínjnni fyrir Lakers.

Fyrir leikinn hafði Lakers unnð 24 en tapað 21.  Charlotte hafði tapað 13 leikjum í röð. Liðið hafði unnið 11 leiki og tapað 36 og var með lélegasta árangur liðanna 30 í deildinni. Charlotte tók forystu strax í leik liðanna í gærkvöldi og aðalmaðurinn var fyrrverandi Lakers-kappi, Jumaine Jones. Fyrir leikinn var meðaltal hans 7,8 stig en hann skoraði 31 stig gegn Lakers í gærkvöldi og var stigahæstur. Næststigahæstur í gærkvöldi var Slóveninn Primoz Brezec með 22 stig.

Stigahæsti Charlotte-maðurinn fyrir leikinn, Gerald Wallace, lék ekki vegna meiðsla.  Lakers náði aldrei að hafa forystu í leiknum og Charlotte sigraði, 112-102.  Þetta var fyrsti sigur Charlotte frá 10. janúar en þá lögðu Charlotte-menn Houston að velli í tvíframlengdum leik.

Úrslit í öðrum leikjum urðu þannig;

Atlanta Hawks 96, Orlando Magic 94

Detroit Pistons 87, Philadelphia 76ers 80

LA Clippers 98, Boston Celtics 81

Houston Rockets 100, Seattle SuperSonics 77

Toronto Raptors 104, New York Knicks 90

Portland Trail Blazers 89, Minnesota Timberwolves 85

Utah Jazz 89, Sacramento Kings 79