Jol sáttur við kaup Tottenham

Martin Jol, stjóri Tottenham, er hæstánægður með kaup félagsins fyrir lokun félagaskiptagluggans og segist búast við miklu af þeim Danny Murphy og Hossam Ghaly.

Koma Danny Murphy leiddi til þess að miðjumaðurinn Michael Brown var seldur til Fulham og var Jol ekki sérstaklega sáttur við það. "Ég hefði vilja halda Brown, en honum bauðst betri samningur og sennilega meiri spilatími annarsstaðar og því er það best fyrir hann. Ég vænti mikils af Danny Murphy og vona að hann geti komið með meiri sköpunargleði á miðjuna hjá okkur. Hann skoraði gegn okkur í vetur og er í mínum augum frábær leikmaður. Ghaly hefur ekki fengið að spila mikið að undanförnu, en ég þekki kauða vel og hann er ungur, svo við sjáum hann kannski frekar sem framtíðarmann," sagði Jol.