Með alls kyns fíkniefni á sér

Fjögur fíkniefnamál komu upp í Kópavogi á fimmtudagskvöld. Tæplega tvítugur piltur var handtekinn í miðbænum með töluvert magn fíkniefna í söluumbúðum. Hann var færður til yfirheyrslu og viðurkenndi undir morgun að hann hafi ætlað sér að selja efnin. Að sögn lögreglu var hann með alls kyns fíkniefni í fórum sínum, þar á meðal hass, amfetamín, kókaín, ofskynjunarsveppi og stera.

Þá voru þrír menn á þrítugsaldri handteknir í aðskildum málum með lítilræði af fíkniefnum. Efnin voru öll talin vera til einkaneyslu. Alls lagði lögreglan hald á nokkra tugi gramma af fíkniefnum þetta kvöld.