Tekur sér frí

Leikkonan ástsæla Kate Winslet hefur ákveðið að taka sér pásu frá kvikmyndum í bili til að sinna móðurhlutverkinu. Winslet er gift leikstjóranum Sam Mendes og eiga þau saman einn son en Winslet á einnig eina dóttur úr fyrra hjónabandi. Winslet tók þessa ákvörðun eftir að hafa verið við tökur á kvikmyndinni Little children þar sem hún var í hlutverki móður sem á vont samband við börnin sín. Ég fattaði það við tökurnar hversu mikilvægt það er að samband foreldra og barna sé í lagi og nú ætla ég að einbeita mér að því með börnunum mínum, segir hin breska leikkona Kate Winslet.