Lundinn og Laxness vinsælir hjá túristum 20. september 2006 07:45 Nú er ferðamannastraumurinn farinn að minnka en um 170 þúsund erlendir ferðamenn lögðu leið sína til landsins í sumar. Samkvæmt könnunum eyða þeir hér um 10-15 prósentum í verslun. Hvað skyldu nú þessir gjaldeyrisskapandi farfuglar hafa keypt og tekið með sér heim frá landinu bláa? Rammagerðin er rótgrónasta minjagripaverslunin og Bryndís Sigurðardóttir, verslunarstjóri í Hafnarstræti, segir verslun hafa verið mikla í sumar. Við finnum ekki fyrir neinni minnkun þótt túristabúðir séu opnaðar nánast á hverju götuhorni yfir sumarið. Túristarnir eru mest í smávöru en minna í stærri hlutum. Bryndís segir gömlu góðu lopapeysuna eiga undir högg að sækja. Nýja útgáfan af lopapeysunni sem er minni og með rennilás selst miklu meira en þessi gamla góða. Bryndís heldur áfram: Allt með lundanum og íslensku rúnastöfunum er mjög vinsælt, t.d. bolir og hálsmen. Vörumerkið Lost in Iceland er líka orðið mjög vinsælt. Það byrjaði sem ljósmyndabók fyrir nokkrum árum en nú seljast bolir, húfur og hettupeysur með áletruninni Lost in Iceland eins og heitar lummur. Ásdís Benediktsdóttir hjá bókabúð Máls og menningar á Laugavegi tekur undir þetta. Hún er ekki í vafa um hvaða bók túristarnir kaupa mest: Það er ljósmyndabókin Lost in Iceland eftir Sigurgeir Sigurjónsson. segir hún. Ég held mér sé óhætt að segja að frá því hún kom út hafi hún verið vinsælasta túristabókin. Ásdís segir ferðamannastrauminn alltaf vera að aukast. Þetta er líka að lengjast fram á haustið. Ég er að fara að taka túristavörurnar niður núna, en áður var ég að því í ágúst. Ásdís segir ýmsar aðrar bækur njóta hylli. Margir sækja í söguarfinn okkar og Völuspá og Íslendingasögurnar eru vinsælar. Þó eru Hávamál alltaf vinsælust. Hávamál má fá á fjölmörgum tungumálum, rússnesku og arabísku meira að segja. Ýmsar barnabækur á ensku eru líka vinsælar og matreiðslubækur Nönnu Rögnvaldsdóttur. Vinsælasta skáldsagan er svo Sjálfstætt fólk á ensku Independent People en Arnaldur kemur á hæla Laxness. Hann er til bæði á ensku og þýsku. Plötubúð 12 Tóna á Skólavörðustíg er vinsæll viðkomustaður túrista. Við erum að sjá ótrúlega aukningu í sölu til ferðamanna og þegar mest lætur yfir sumarið fáum við hér rúmlega hundrað túrista á dag, segir Einar Kristjánsson innanbúðarmaður. Það er mikið hlustað og skoðað og aðallega eru okkar gestir að tékka á nútímatónlist. Söluhæsti diskurinn í sumar var ný safnplata Tilraunaeldhússins en eini hefðbundni túristadiskurinn sem selst að einhverju ráði hjá okkur heitir The Soul of the Great Viking. Í Skífunni á Laugavegi kaupa túristar einnig mikið. Við seljum langmest af plötum Sigur Rósar og Emilíönu Torrini, og svo er Gling Gló mjög vinsæl, segir Davíð Sigurðsson, starfsmaður Skífunnar. Gling Gló með Björk og Tríói Guðmundar Ingólfssonar kom út fyrir sextán árum og hefur selst á Íslandi í um 40 þúsundum eintaka. Þar með er Gling Gló líklega söluhæsta íslenska platan og er stór hluti sölunnar til ferðamanna. Í verslun 66° N í Bankastræti fengust þau svör að útlendingarnir væru vitlausir í íslenska flísið og allt sem er merkt 66° N. Þeir kaupa allt sem við erum með, segir Katrín Kristjánsdóttir, en ef ég ætti að giska á vinsælustu vöruna myndi ég segja að það væru Windstopper-peysurnar sem við erum með. Hjá Global Refund sem endurgreiðir útlendingum virðisaukaskatt fengust þær upplýsingar að stærstur hluti endurgreiðslna væri vegna kvenfatnaðar og skartgripa, bæði íslenskrar framleiðslu og erlendrar merkjavöru. Yfir sumarið verður ekki þverfótað fyrir ferðamönnum að mynda Hallgrímskirkjuturn. Margir þeirra koma við í Krambúðinni efst á Skólavörðustíg. Það er vatn og mjólkurvörur eins og skyr og jógúrt sem túristar kaupa mest, segir Gunnar Ársæll Ársælsson, verslunarstjóri. Íslenskt sælgæti er líka vinsælt, lakkrísinn líklega vinsælastur. Japanarnir eru svo mikið í fiskmetinu, búðin tæmist nánast af harðfiski, laxi og kavíar þegar við fáum Japana hingað inn. Innlent Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent Sagði foreldrana líklega hafa dottið í aðdraganda andlátsins Innlent Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Búast við þrumuveðri og vatnavöxtum Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent „Clinton áætlunin“ líklega tilbúningur rússneskra njósnara Erlent Fleiri fréttir Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Sjá meira
Nú er ferðamannastraumurinn farinn að minnka en um 170 þúsund erlendir ferðamenn lögðu leið sína til landsins í sumar. Samkvæmt könnunum eyða þeir hér um 10-15 prósentum í verslun. Hvað skyldu nú þessir gjaldeyrisskapandi farfuglar hafa keypt og tekið með sér heim frá landinu bláa? Rammagerðin er rótgrónasta minjagripaverslunin og Bryndís Sigurðardóttir, verslunarstjóri í Hafnarstræti, segir verslun hafa verið mikla í sumar. Við finnum ekki fyrir neinni minnkun þótt túristabúðir séu opnaðar nánast á hverju götuhorni yfir sumarið. Túristarnir eru mest í smávöru en minna í stærri hlutum. Bryndís segir gömlu góðu lopapeysuna eiga undir högg að sækja. Nýja útgáfan af lopapeysunni sem er minni og með rennilás selst miklu meira en þessi gamla góða. Bryndís heldur áfram: Allt með lundanum og íslensku rúnastöfunum er mjög vinsælt, t.d. bolir og hálsmen. Vörumerkið Lost in Iceland er líka orðið mjög vinsælt. Það byrjaði sem ljósmyndabók fyrir nokkrum árum en nú seljast bolir, húfur og hettupeysur með áletruninni Lost in Iceland eins og heitar lummur. Ásdís Benediktsdóttir hjá bókabúð Máls og menningar á Laugavegi tekur undir þetta. Hún er ekki í vafa um hvaða bók túristarnir kaupa mest: Það er ljósmyndabókin Lost in Iceland eftir Sigurgeir Sigurjónsson. segir hún. Ég held mér sé óhætt að segja að frá því hún kom út hafi hún verið vinsælasta túristabókin. Ásdís segir ferðamannastrauminn alltaf vera að aukast. Þetta er líka að lengjast fram á haustið. Ég er að fara að taka túristavörurnar niður núna, en áður var ég að því í ágúst. Ásdís segir ýmsar aðrar bækur njóta hylli. Margir sækja í söguarfinn okkar og Völuspá og Íslendingasögurnar eru vinsælar. Þó eru Hávamál alltaf vinsælust. Hávamál má fá á fjölmörgum tungumálum, rússnesku og arabísku meira að segja. Ýmsar barnabækur á ensku eru líka vinsælar og matreiðslubækur Nönnu Rögnvaldsdóttur. Vinsælasta skáldsagan er svo Sjálfstætt fólk á ensku Independent People en Arnaldur kemur á hæla Laxness. Hann er til bæði á ensku og þýsku. Plötubúð 12 Tóna á Skólavörðustíg er vinsæll viðkomustaður túrista. Við erum að sjá ótrúlega aukningu í sölu til ferðamanna og þegar mest lætur yfir sumarið fáum við hér rúmlega hundrað túrista á dag, segir Einar Kristjánsson innanbúðarmaður. Það er mikið hlustað og skoðað og aðallega eru okkar gestir að tékka á nútímatónlist. Söluhæsti diskurinn í sumar var ný safnplata Tilraunaeldhússins en eini hefðbundni túristadiskurinn sem selst að einhverju ráði hjá okkur heitir The Soul of the Great Viking. Í Skífunni á Laugavegi kaupa túristar einnig mikið. Við seljum langmest af plötum Sigur Rósar og Emilíönu Torrini, og svo er Gling Gló mjög vinsæl, segir Davíð Sigurðsson, starfsmaður Skífunnar. Gling Gló með Björk og Tríói Guðmundar Ingólfssonar kom út fyrir sextán árum og hefur selst á Íslandi í um 40 þúsundum eintaka. Þar með er Gling Gló líklega söluhæsta íslenska platan og er stór hluti sölunnar til ferðamanna. Í verslun 66° N í Bankastræti fengust þau svör að útlendingarnir væru vitlausir í íslenska flísið og allt sem er merkt 66° N. Þeir kaupa allt sem við erum með, segir Katrín Kristjánsdóttir, en ef ég ætti að giska á vinsælustu vöruna myndi ég segja að það væru Windstopper-peysurnar sem við erum með. Hjá Global Refund sem endurgreiðir útlendingum virðisaukaskatt fengust þær upplýsingar að stærstur hluti endurgreiðslna væri vegna kvenfatnaðar og skartgripa, bæði íslenskrar framleiðslu og erlendrar merkjavöru. Yfir sumarið verður ekki þverfótað fyrir ferðamönnum að mynda Hallgrímskirkjuturn. Margir þeirra koma við í Krambúðinni efst á Skólavörðustíg. Það er vatn og mjólkurvörur eins og skyr og jógúrt sem túristar kaupa mest, segir Gunnar Ársæll Ársælsson, verslunarstjóri. Íslenskt sælgæti er líka vinsælt, lakkrísinn líklega vinsælastur. Japanarnir eru svo mikið í fiskmetinu, búðin tæmist nánast af harðfiski, laxi og kavíar þegar við fáum Japana hingað inn.
Innlent Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent Sagði foreldrana líklega hafa dottið í aðdraganda andlátsins Innlent Tollar á vörur frá Íslandi verða 15 prósent samkvæmt forsetatilskipun Erlent Sakar sveitastjórann um atvinnuróg og „kæfandi klámhögg“ Innlent Búast við þrumuveðri og vatnavöxtum Innlent Annasamt ár á Bessastöðum: Kóngafólk, keisari, umtöluð undirskrift og brúnir skór Innlent „Clinton áætlunin“ líklega tilbúningur rússneskra njósnara Erlent Fleiri fréttir Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Sjá meira