Þjófnuðum fækkar í Hafnarfirði

Þjófnuðum og eignaspjöllum hefur farið fækkandi í umdæmi lögreglunnar í Hafnarfirði á árunum 2000-2004. Samkvæmt tölfræðilegri úrvinnslu lögreglunnar á ýmsum afbrotum í umdæminu má sjá að eignaspjöllum fækkaði um 35 prósent frá árinu 2002 og þjófnuðum fækkaði um 45 prósent. Umferðaóhöppum hefur hins vegar fjölgað umtalsvert á milli áranna 2004 og 2005 sé miðað við fyrstu átta mánuði ársins og ölvun við akstur hefur einnig aukist sé miðað við sama tíma í fyrra. Þá hefur skráðum fíkniefnabrotum jafnframt fjölgað jafnt og þétt á þessum árum.