Játuðu þjófnað í tölvuverslun

Þrír ungir menn, tveir tvítugir og einn 21 árs, játuðu við þingfestingu máls á hendur þeim í Héraðdómi Reykjavíkur í gær að hafa í aprílbyrjun brotist inn í tölvuverslun í Reykjavík og stolið þaðan vörum fyrir tæpar 600 þúsund krónur. Þeir stálu þremur skjávörpum, stafrænni myndavél og þráðlausum síma, auk annars tölvubúnaðar, að því er fram kemur í ákæru. Þá var sá elsti í hópnum frá áramótum þrisvar tekinn með eiturlyf, kannabisefni og einu sinni amfetamín. Einnig var hann kærður fyrir að hafa tvisvar ekið bíl án réttinda. Dæmt verður í málinu í dag.