Gerrard verður ekki með gegn Juve

Nú rétt í þessu staðfestu læknar Liverpool liðsins að fyrirliðinn Steven Gerrard geti ekki leikið með liðinu gegn Juventus í síðari leik liðanna á miðvikudagskvöld. Gerrard á við meiðsli á nára að stríða sem hann hlaut um helgina og nú hafa þessi slæmu tíðindi sett stórt strik í reikninginn fyrir Liverpool, sem ætlaði sér að komast í undanúrslitin í keppninni. Talið er líklegt að Vladimir Smicer taki stöðu Gerrard í liðinu fyrir leikinn mikilvæga í Tórínó í vikunni, en enska liðið hefur 2-1 forystu í farteskinu í leikinn og á því ágæta möguleika á að komast áfram, ef allt gengur upp hjá þeim.