Brasilíumanns saknað á Suðurlandi

Tuttugu og átta ára Brasilíumanns er saknað á Suðurlandi. Hann fór í gönguferð frá Eyrabakka um klukkan tíu í gærmorgun en ekkert hefur til hans spurst síðan. Björgunarsveitir hafa leituðu að manninum í gærkvöld og nótt en leit var hætt á fimmta tímanum. Fundur stendur yfir í húsnæði svæðisdeilda björgunarsveitanna á Suðurlandi um hvernig staðið verður að frekari leit sem hefst eftir hádegi. Ýmsar vísbendingar hafa komið fram um ferðir mannsins en engar sem hafa gagnast enn sem komið er. Maðurinn sem leitað er að er dökkur yfirlitum, um 170 sm á hæð og í ljósum buxum og jakka en með dökka húfu.