Ríflega 600 nýir ríkisborgarar

Þetta er veruleg fjölgun frá árinu 2003 þegar 436 útlendingum var veittur ríkisborgararéttur og árinu 2002 þegar 364 útlendingum var veittur íslenskur ríkisborgararéttur. Auk þessara 637 útlendinga fengu jafnframt íslenskan ríkisborgararétt með þeim 182 börn þeirra, sem einnig er fjölgun frá síðustu árum. Árið 2003 fengu 109 útlensk börn ríkisborgararétt með foreldri sínu og árið 2002 fengu 87 börn ríkisborgararétt með þeim hætti. Af þessum 637 útlendingum fengu 594 ríkisborgararétt með bréfi frá dóms- og kirkjumálaráðherra en 43 fengu ríkisborgararétt með lögum frá alþingi. Árið 2003 veitti alþingi 27 útlendingum ríkisborgararétt og 17 árið 2002. Færri en 12 eru frá löndum eins og Alsír, Angóla, Eþíópíu, Gambíu, Gana, Kenýa, Líbanon, Mongólíu, Namibíu, Nígeríu, Pakistan, Senegal, Sierra Leone, Sri Lanka, Sýrlandi, Túnis, Trinidad og Tobago og Úganda. Nýir Íslendingar 2004: Fæðingarstaður: Pólland         108 Sovétríkin         56 Júgóslavía (fyrrum) 52 Taíland 49 Filippseyjar 45 Bandaríkin 25 Svíþjóð 20 Þýskaland 17 Víetnam 16 England 15 Marokkó 12