Vefur um verkefni sýslumanna

Sýslumannafélag Íslands hefur í samstarfi við dóms- og kirkjumálaráðuneytið opnað nýjan vef sem inniheldur upplýsingar um verkefni sýslumanna og ýmsar leiðbeiningar fyrir þá sem til embætta sýslumanna þurfa að leita. Á vefnum er einnig hvert embætti fyrir sig með eigin síðu þar sem helstu upplýsingar um starfsemi þess koma fram. Sýslumaðurinn í Reykjavík og í Keflavík eru að auki með eigin vefsvæði þar sem ítarlegri upplýsingar um þau embætti er að finna. Vefnum er ætlað að auka þjónustu við borgarana í samræmi við stefnu ríkisstjórnarinnar. Slóðin er www.syslumenn.is.