Yfirmanni miðstöðvar vikið frá

Djóni Weihe, yfirmanni Björgunarmiðstöðvarinnar í Færeyjum, hefur verið vikið tímabundið úr starfi á meðan rannsakað verður hvað gerðist þegar Jökulfellið fórst skammt frá Færeyjum fyrir um mánuði. Frá þessu var greint í færeyska útvarpinu, en Björn Karlsöe þingmaður tók ákvörðunina í samráði við Djóni. Fyrirtækið Norsk Veritas mun rannsaka hvað gerðist í Björgunarmiðstöðinni þann 7. febrúar síðastliðinn. Ein af stóru spurningunum sem Norsk Veritas þarf að svara er af hverju björgunarþyrlu Atlanstsflugs í Færeyjum var tilkynnt allt of seint að hún ætti að fara af stað Jökulfellinu til hjálpar. Sex menn létust og fimm var bjargað þegar skipið fórst.