Ósætti um framtíð leikskóla

Meirihlutasamstarfi Framsóknarmanna og Sjálfstæðismanna í bæjarstjórn Grundarfjarðarbæjar var slitið í gær, eftir ellefu ára samstarf, þegar upp kom ósætti um framtíð leikskóla sveitarfélagsins. Nýr meirihluti hefur ekki verið myndaður. Sjálfstæðismenn, sem eiga þrjá fulltrúa í bæjastjórn af sjö, ræddu strax í gærmorgun við Garðar Svansson fulltrúa óháða, eina fulltrúi þeirra í bæjarstjórn. Garðar segir að þeir hafi þó haft ávinning af því að ýmislegt stæði til fyrir þann tíma. Þreifingum sjálfstæðismanna var strax hafnað, þar sem óháðir vilja ekki í samstarf án fulltrúa Vinstri grænna, sem einnig eiga einn fulltrúa. Það fari eftir áherslum hvort samþykkt yrði að fara í viðræður við sjálfstæðismenn eða framsóknarmenn, sem eiga tvo fulltrúa. Emil Sigurðsson, Vinstri grænum, segir að sjálfstæðismenn hafi haft samband við sig, en engar formlegar viðræður hafi hafist.