Greiðfært um helstu þjóðvegi

Greiðfært er um helstu þjóðvegi landsins samkvæmt tilkynningu frá Vegagerðinni. Þó eru hálkublettir á Steingrímsfjarðarheiði og á fjallvegum á sunnanverðum Vestfjörðum. Hálkublettir eru á Mývatnsheiði, Mývatnsöræfum og Vopnafjarðarheiði. Snjóþekja er á Breiðdalsheiði. Á Suðurlandi er umferð fjallabíla almennt leyfð á flestum hálendisleiðum en á Norður- og Austurlandi er víðast allur akstur bannaður vegna aurbleytu og hættu á vegaskemmdum. Allur akstur er bannaður um Uxahryggi og á Kaldadal en hægt er að komast að Langjökli um Borgarfjörð hjá Húsafelli.