Glæpsamleg vanræksla

Stjórnendur sjúkrahússins Ullevål í Osló viðurkenndu í gær að mistök hefðu átt sér stað við meðferð geðsjúka mannsins sem sakaður er um að hafa stungið mann til bana í miðborg Óslóar í síðustu viku. Manninum hafði verið sleppt af geðdeild sjúkrahússins aðeins fjórum dögum fyrir morðið. Svo gæti farið að sjúkrahúsið verði dregið til ábyrgðar fyrir brot á starfsreglum að því er fram kemur á fréttavef Aftenposten. Þrír læknar skoðuðu manninn áður en honum var sleppt og töldu enga hættu stafa af honum en verjandi hans, Heidi Bache Wiig, segir það ekki hafa átt að fara á milli mála að maðurinn hafi verið hættulegur umhverfi sínu.