Ósló og París dýrastar

Ósló og París eru dýrustu borgir Evrópu samkvæmt nýrri könnun rannsóknarstofnunarinnar EIU. Norska blaðið Aftenposten greinir frá því í netútgáfu sinni að París hafi verið að sækja á en Ósló hafi í síðustu könnun verið ein í efsta sæti, þá einnig þriðja dýrasta borg í heiminum. Þar segir jafnframt að Ósló geti innan tíðar hlotnast sá vafasami heiður að velta japönsku borgunum Osaka og Tókýó úr sessi sem dýrustu borgum heims. Lækkun dollarans hefur valdið því að verðlag hefur hækkað í Evrópu og þar með hefur París þokast upp listann.