Bandaríska sendiráðinu lokað

Nokkrum deildum bandaríska sendiráðsins í höfuðborg Indlands, Nýju-Delí, verður lokað á morgun, fimmtudag, vegna öryggisráðstafana að því er segir í tilkynningu frá sendiráðinu í dag. Engar frekari upplýsingar voru gefnar um málið en tekið var fram að ræðismannsskrifstofur Bandaríkjanna í indversku borgunum Bombay, Madras og Kalkútta yrðu opnar eins og venjulega á morgun. Bandarískir ríkisborgarar sem staddir eru í Indlandi en hafa ekki tilkynnt veru sína þar eru ennfremur hvattir til að hafa samband við sendiráðið. Tilkynningin kemur aðeins nokkrum dögum eftir að viðvörunarstig fjármálastofnana í nokkrum bandarískum borgum var hækkað vegna aukinnar hættu á hryðjuverkaárásum.