Bakkus hrjáir 9% Bandaríkjamanna

Um níu prósent Bandaríkjamanna glíma við áfengisvandamál og fimmtán prósent þeirra þjást af persónuleikatruflunum. Þetta er meðal þess sem fram kemur í nýrri rannsókn sem birtist í blaðinu Journal of Clinical Psychiatry. Í niðurstöðum rannsóknarinnar kemur einnig fram að yfir níu prósent Bandaríkjamanna þjást af þunglyndi eða geðhvörfum og ríflega ellefu prósent eru haldnir langvarandi kvíða. Þá er áætlað að 4,2 milljónir Bandaríkjamanna, eða um tvö prósent þjóðarinnar, séu eiturlyfjanotendur. Í rannsókninni voru jafnframt athuguð tengsl milli geðsjúkdóma og áfengisnotkunar og í ljós koma að yfir fimmtungur þeirra sem misnota áfengi eða fíkniefni þjást af geðtruflunum af einhverju tagi. Þátttakendur í rannsókninni voru 43.000 og er hún því stærsta rannsókn á tengslum geðsjúkdóma og áfengis- og fíkniefnanotkunar sem framkvæmd hefur verið. Myndin er frá borginni Houston í Bandaríkjunum.