Fullkomin peningafölsun

Falsaðir danskir hundrað krónu seðlar eru nú í umferð í Kaupmannahöfn og er óttast að þeir séu prentaðir ásamt Pundum, Dollurum og Evrum, í fullkominni prentsmiðju einhvers staðar í Austur- Evrópu. Um það bil 800 seðlar hafa þegar fundist í Kaupmannahöfn en lögreglan óttast að það sé aðeins toppurinn á ísjakanum, þar sem seðlarnir eru betur prentaðir en nokkru sinni hefur sést áður. Það er meira að segja vatnsmerki í þeim, sem sést ef þeim er brugðið upp í ljós, en aðra segulröndina vatnar í þá. Það sést hinsvegar ekki nema í talningavélum bankanna og þá er um seinan að grípa nokkurn glóðvolgan. Talið er að seðlarnir séu prentaði í fullkominni prentsmiðju og að þar séu menntaðir grafískir prentarar að verki. Danska lögreglan óttast því að mikið af fölsuðum seðlum kunni að komast í umferð innan tíðar. Aðeins hafa fundist hundrað króna seðlar, sem jafngildir 1200 krónum íslenskum, og telur lögreglan að það sé með ráðum gert að prenta ekki stærri seðla, því minni líkur séu á að gjaldkerar tortryggi smáseðla en stóra. Hér á landi slæðast falsaðir íslenskir seðlar af og til í umferð, en þeir hafa ávallt verið lélegar eftirlíkingar, en samt hefur fölsurunum tekist að skipta þeim.