20 Íslendinga enn saknað

Ekki er enn vitað um afdrif 20 Íslendinga, sem að líkindum eru á hamfarasvæðunum, en í fyrstu var ekki vitað um afdrif 55 Íslendinga. Að mati utanríkisráðuneytisins, sem grafist hefur fyrir um afdrif Íslendinga á svæðinu, eru flestir þeirra sem ekki hefur náðst til á tiltölulega hættulitlum svæðum. Danska utanríkisráðuneytið hefur grennslast fyrir um afdrif Íslendinga í gegnum danska sendiráðið í Taílandi. Enginn Íslendingur af erlendu bergi brotinn, sem hugsanlega er að leita að skyldmennum sínum á hamfarasvæðunum, mætti á upplýsingafund sem Rauði krossinn ætlaði að halda fyrir þennan hóp í gærkvöldi. Þeim er eftir sem áður bent á að hafa samband við Rauða krossinn í síma 1717, ef þeir óska upplýsinga af hamfarasvæðunum.