Vínveitingar leyfðar í Egilshöll

Borgarráð samþykkti í dag að veita Sportbitanum í Egilshöll vínveitingaleyfi til reynslu í eitt ár. Þrír borgarráðsmenn sátu hjá við atkvæðagreiðsluna. Einn þeirra, Árni Þór Sigurðsson, borgarfulltrúi Reykjavíkurlistans, lét bóka að niðurstaða úrskurðarnefndar áfengismála, um að óheimilt væri að synja um vínveitingaleyfi í Egilshöll, væri sérkennileg því hún byggði á þeirri forsendu að rekstrarlegir hagsmunir veitingastaðarins væru mikilvægari en almannahagsmunir barna og ungmenna.