Þjóðverjar vilja halda í herinn

Þjóðverjum er mjög brugðið vegna þeirrar ákvörðunar Bandaríkjamanna, að fækka stórlega í herliði sínu í Þýskalandi. Þeir sjá fram á að tugþúsundir manna muni missa vinnu sína. Það eru um 70 þúsund bandarískir hermenn í Þýskalandi, og langstærstur hluti þeirra verður fluttur á brott, samkvæmt áætlun sem George Bush, forseti Bandaríkjanna, kynnti í gær. Þetta mun hafa mjög alvarlegar efnahagslegar afleiðingar fyrir héruð og bæjarfélög í suður- og vesturhluta landsins og má búast við að tugþúsundir manna missi vinnu sína. Þýskir stjórnmálamenn eru þegar farnir að spyrna við fótunum. Stjórnvöld í Þýskalandi hafa þó lýst skilningi á afstöðu Bandaríkjamanna og segja að Evrópu sé einfaldlega ekki sú hætta búin lengur, að hún þurfi á stórum bandarískum herafla að halda.