Deila um fjárlögin

Lítið virðist ganga í viðræðum tveggja stærstu stjórnmálaflokka Ísraels um myndun þjóðstjórnar. Samningamenn flokkanna ræddu efnahagsmál á fundi sínum í gær. Þar reyndu þeir að finna leiðir fyrir Verkamannaflokkinn, sem er utan stjórnar, til að hafa áhrif á fjárlagagerðina að því er fram kemur í Haaretz. Áður hafði Ariel Sharon, forsætisráðherra og leiðtogi Likudbandlagsins, neitað kröfu Shimon Peres, formanns Verkamannaflokksins, um að fjárlög yrðu ekki afgreidd fyrr en niðurstaða lægi fyrir í stjórnarmyndunarviðræðum flokkanna. Kjósa á um fjárlög á sunnudag en ekki er gert ráð fyrir að þjóðstjórn verði mynduð fyrir þann tíma.