Sakaðir um morð og fjársvik

Handtökutilskipun eftir verið gefin út á hendur frændunum Ahmed og Salem Chalabi. Ahmed átti sæti í framkvæmdaráði Íraks sem var leyst upp þegar bráðabirgðastjórnin tók við í lok júní. Salem er í forsvari fyrir dómstólinn sem kemur til með að rétta yfir Saddam Hussein. Ahmed er sakaður um fjársvik en Salem er sagður hafa staðið á bak við morðið á yfirmanni fjármálaráðuneytisins. Báðir hafa þeir neitað sök og segja ásakanirnar og handtökutilskipanirnar sprottnar af pólitískum ástæðum. "Hann hefur oft og iðulega reynt að hafa áhrif á dómskerfið af pólitískum ástæðum," sagði Ahmad Chalabi um dómarann sem gaf út handtökutilskipunina. Salem Chalabi sagði morðákæruna sigur fyrir liðsmenn Baathflokksins, flokks Saddams Husseins. Einn lögmanna Saddams, Ziad al-Khasawneh, tók undir þetta og sagði: "Þetta er kraftaverk frá Guði til að hjálpa Saddam Hussein." Hvorugur bræðranna er í Írak þessa stundina.