150 skelfiskveiðimönnum bjargað

Tæplega 150 skelfiskveiðimönnum var bjargað síðdegis í gær, eftir að hafa verið í sjálfheldu í Morecambe flóa skammt frá Liverpool frá því fyrr um morguninn. Fólkið var af skosku og kínversku þjóðerni og hafði setið fast í blautum sandi eftir að tveir traktorar skullu saman á grynningum, rúmlega sex kílómetra frá landi. Í febrúar létust tuttugu Kínverjar á þessum sama stað, þegar þeir drukknuðu við skelfiskveiðar. Björgunaraðgerðin fór fram áður en síðdegisflóð skall á og voru svifnökkvi, þyrlur og bátar notuð til að bjarga fólkinu.